XIZMAT KO‘RSATISH SOHASIDA XODIMLARNI RAG‘BATLANTIRISH OMILLARINI KLASTER TAHLILI ASOSIDA DIFFERENSIATSIYALASH: PILOT TADQIQOT NATIJALARI

Abstract

Ushbu tezisda xizmat ko‘rsatish sohasi korxonasida xodimlarni rag‘batlantirish omillarini tabaqalashtirish masalasi pilot so‘rovnoma natijalari asosida tahlil qilingan. Tadqiqotda 51 nafar respondentning moddiy rag‘batlantirish, karyera va professional rivojlanish hamda ijtimoiy-psixologik omillarga munosabati tavsifiy statistika va K-means klaster tahlili yordamida baholangan. Tahlil natijalariga ko‘ra, respondentlar ikki asosiy motivatsion guruhga ajratilgan hamda ularning rag‘batlantirish omillariga sezgirlik darajasida sezilarli farqlar mavjudligi aniqlangan. Olingan natijalar xodimlarning motivatsion profillarini hisobga olgan holda differensiallashtirilgan rag‘batlantirish choralarini ishlab chiqish imkoniyatini ko‘rsatadi.