RAQAMLI TEXNOLOGIYALAR ASOSIDA TRANSPORT XIZMATLARI BOZORINI RIVOJLANTIRISH MEXANIZMLARINI TAKOMILLASHTIRISH

Abstract

Mazkur maqolada raqamli texnologiyalar asosida transport xizmatlari bozorini rivojlantirish mexanizmlarini takomillashtirishning nazariy-uslubiy asoslari hamda tashkiliy-iqtisodiy jihatlari yoritilgan. Transport xizmatlari bozorining samarali faoliyat yuritishini ta’minlashda raqamli platformalar, intellektual transport tizimlari, elektron to‘lov texnologiyalari, sun’iy intellekt va katta ma’lumotlarni tahlil qilish texnologiyalaridan foydalanish imkoniyatlari asoslab berilgan. Shuningdek, transport xizmatlariga bo‘lgan talabni prognozlash, yo‘lovchi va yuk tashish jarayonlarini optimallashtirish, transport infratuzilmasidan foydalanish samaradorligini oshirish hamda xizmatlar sifatini yaxshilashda raqamli yechimlarning o‘rni tahlil qilingan. Transport xizmatlarini ko‘rsatuvchi subyektlar, davlat boshqaruvi organlari va iste’molchilar o‘rtasidagi raqamli integratsiyani kuchaytirish, bozor ishtirokchilari faoliyatining shaffofligini ta’minlash hamda ularning raqobatbardoshligini oshirishga qaratilgan mexanizmlarni takomillashtirish yo‘nalishlari ishlab chiqilgan. Tadqiqot natijalari transport xizmatlari bozorini raqamlashtirish jarayonlarini jadallashtirish, boshqaruv qarorlarining samaradorligini oshirish va sohaga innovatsion yondashuvlarni joriy etish bo‘yicha ilmiy-amaliy takliflarni shakllantirishga xizmat qiladi.