TA’LIM MENEJMENTIDA RAQAMLI TEXNOLOGIYALARDAN FOYDALANISH SAMARADORLIGI

Abstract

Mazkur maqolada ta’lim menejmentida raqamli texnologiyalardan foydalanish samaradorligi, ularning ta’lim muassasalarini boshqarish jarayonlariga ta’siri hamda boshqaruv faoliyatini takomillashtirishdagi imkoniyatlari tahlil qilinadi. Raqamli texnologiyalar ta’lim tashkilotlarida axborot almashinuvi, hujjat aylanishi, pedagogik faoliyatni monitoring qilish, ta’lim sifatini baholash, resurslarni rejalashtirish va boshqaruv qarorlarini qabul qilish jarayonlarini takomillashtirish vositasi sifatida ko‘rib chiqiladi. Shuningdek, raqamlashtirish samaradorligiga ta’sir etuvchi tashkiliy-pedagogik omillar, jumladan, rahbar va pedagoglarning raqamli kompetensiyasi, texnik infratuzilma, ma’lumotlar xavfsizligi, axborot tizimlarining o‘zaro integratsiyasi hamda xodimlarning innovatsion o‘zgarishlarga tayyorligi yoritiladi. Xalqaro tashkilotlarning tahliliy hisobotlari va ilmiy manbalar asosida raqamli texnologiyalarni ta’lim boshqaruviga tizimli joriy etish bo‘yicha amaliy tavsiyalar ishlab chiqiladi.