ASALARICHILIK XO‘JALIKLARIDA AKTIVLAR HISOBINI XALQARO STANDARTLAR ASOSIDA TAKOMILLASHTIRISH

Abstract

Maqolada asalarichilik xo‘jaliklarida aktivlar, xususan, asalari oilalarini biologik aktiv sifatida tan olish va hisobga olishni xalqaro moliyaviy hisobot standartlari asosida takomillashtirish masalalari tadqiq etilgan. Tadqiqotning maqsadi asalari oilalarining biologik transformatsiyasi natijasida yuzaga keladigan qiymat o‘zgarishlarini hisobda o‘z vaqtida va ishonchli aks ettirish, haqiqiy qiymatni aniqlash metodikasini shakllantirish hamda analitik hisobni takomillashtirishdan iborat. Tadqiqotda IAS 41 “Agriculture” va IFRS 13 “Fair Value Measurement” tamoyillari, muallifning asalarichilik xo‘jaligi uchun ishlab chiqilgan namunaviy hisob-kitoblari, taqqoslash, guruhlash, dinamik tahlil va diskontlangan pul oqimlari usullaridan foydalanildi. Natijalarga ko‘ra, mahsuldor va yosh asalari oilalarini alohida analitik hisobga olish, biologik aktivlar harakatining to‘liq siklini qayd etish va haqiqiy qiymatdagi o‘zgarishlarni moliyaviy natijada aks ettirish taklif etildi. Haqiqiy qiymat modelini bosqichma-bosqich joriy etish bo‘yicha amaliy yo‘l xaritasi ishlab chiqildi.