Soliq qonunchiligini raqamli iqtisodiyot sharoitiga moslashtirish

Abstract

Ushbu maqolada iqtisodiyotni raqamlashtirish sharoitida soliq qonunchiligidagi
oʻzgarishlar tahlil qilingan. Xorijiy mamlakatlar tajribasi oʻrganilib, soliqqa oid asosiy stimullar
va ularning iqtisodiyotga taʼsiri koʻrsatilgan. Yangi soliq mexanizmlarini joriy qilish zaruriyati
asoslangan. Davlat soliq tizimining samaradorligi, asosan, soliq tushumlarining barqarorligi va
davlat xarajatlarini moliyalashtirishdagi roli bilan belgilanadi. Soliqlar davlatning iqtisodiy
barqarorligini saqlashda muhim ahamiyatga ega boʻlib, ular iqtisodiy boshqaruv va ijtimoiy
vazifalarni tartibga solishda faol vosita sifatida foydalaniladi. Soliqqa tortish jarayoni davlatning
mavjudligi va iqtisodiy siyosatini amalga oshirish uchun muhim hisoblanadi. U iqtisodiy raqobatbardoshlikni
oshirish va fiskal suverenitetni taʼminlashga yordam beradi. Soliq qonunchiligi
doimiy oʻzgaruvchan huquq sohasi boʻlib, u mamlakatning soliq siyosati va jamiyatdagi ustuvor
yoʻnalishlarni aks ettiradi. Shuning uchun, dunyodagi iqtisodiy oʻzgarishlar va raqamli
texnologiyalar rivojiga mos ravishda soliq qonunchiligini takomillashtirish choralari koʻrib
chiqiladi.