Tadbirkorlik subyektlari mahsulotlarini bozor talabiga mosligini ta’minlash va raqobatni oshirish

Abstract

Tadbirkorlik mamlakatimiz iqtisodiyotining eng yirik sohasi bo‘lib, ushbu sohaning barqaror va zamon talablari
darajasida rivojlanishi aholining bandligi va turmush farovonligi, bozorlarning sifatli tovar va xizmatlar bilan to‘yinganligi,
narxlarning adolatli darajalarining shakllanishi, mamlakat iqtisodiyotining rivojlanish sur’atlarini belgilab beradi. Tadbirkorlik
korxonalarining samarali faoliyatini belgilaydigan bir qator omillar mavjud bo‘lib, ushbu omillar tarkibida raqobat va
raqobatlashishning o‘rni alohida ahamiyat kasb etadi. Raqobat faoliyatining samarali tashkil etilishi korxonani raqobatda
ustunligini ta’minlaydi, bozorda muvaffaqiyatli faoliyat ko‘rsatishiga sharoit yaratadi. Shu boisdan bugungi kunda raqobatni
korxonalar faoliyatida namoyon bo‘lishi, uning o‘ziga xos xususiyatlari kabi muammolarni o‘rganish, samarali tashkil etish
bo‘yicha ma’lum bir taklif va tavsiyalar ishlab chiqish muhim vazifalardan bo‘lib hisoblanadi. Ushbu maqolada korxonalar
faoliyatida raqobatning namoyon bo‘lishi va uning xususiyatlarining ba’zi jihatlarini yoritishga harakat qilindi.