Xalqaro mehnat migratsiyasi va to‘g‘ridan-to‘g‘ri xorijiy investitsiyalar: samaradorlikni solishtirish

Abstract

Ushbu tadqiqot ishi xalqaro mehnat migratsiyasi (XMM) va to‘g‘ridan-to‘g‘ri xorijiy investitsiyalar (TXI) kabi
global iqtisodiy jarayonlarning samaradorligini solishtirishga bag‘ishlangan. Maqsad – O‘zbekiston sharoitida TXI va
XMM ning iqtisodiy rivojlanishga qo‘shgan hissasi hamda ularning o‘zaro ta’sirini aniqlashdan iborat. Tadqiqotda TXI
va XMM ning nazariy asoslari o‘rganilib, ularning iqtisodiy rivojlanishga ta’sirini baholash mezonlari ishlab chiqilgan.
O‘zbekistonda TXI va XMM ning dinamikasi tahlil qilinib, ularning iqtisodiyotga ta’siri empirik baholangan. Mazkur ish
O‘zbekiston hukumatiga iqtisodiy rivojlanish strategiyasini ishlab chiqishda, xorijiy investitsiyalarni jalb qilish va mehnat
migratsiyasi siyosatini takomillashtirishda amaliy yordam berishi mumkin.