“Yashil” iqtisodiyot va uni shakllantirish masalalari

Аннотация

Jahon iqtisodiyotining globallashuv jarayoni sanoati rivojlangan davlatlar texnologik bazasining sifat jihatidan
rivojlanishini, ishlab chiqarish samaradorligi va raqobatbardoshlik darajasini oshirish bilan bir qatorda hayot sifatini hamda
yashash muhitini yaxshilashni ta’minlaydigan yangi texnologik tuzilmaga modernizatsiya qilingan iqtisodiyotga o‘tishni
talab qilmoqda. Xorijda bu jarayonni amalga oshiruvchi “yashil” o‘sish iqtisodiy siyosati Iqtisodiy Hamkorlik va Taraqqiyot
Tashkiloti (OECD) tomonidan barcha a’zolarining uzoq muddatli (2030-yilga qadar) rivojlanishini ta’minlovchi strategik
yo‘nalish sifatida qabul qilingan. Mutaxassislarning fikriga ko‘ra, “yashil” iqtisodiyot an’anaviy “jigarrang” iqtisodiyotga
nisbatan qisqa muddatda YaIMning o‘sishini, aholi jon boshiga to‘g‘ri keladigan daromadning ortishini hamda ish bilan
bandlikni bir xil yoki undan yuqoriroq ko‘rsatkichda oshirishi mumkin. Oxirgi paytlarda o‘tkazilyotgan xalqaro munozaralar
“yashil” iqtisodiyot tushunchasini aniq ishlab chiqish hamda uni barcha mamlakatlar manfaatlariga mos keladigan
holda
amalga oshirish bo‘yicha chora-tadbirlarni keng tahlil qilish zarurligini anglatadi. Ushbu maqolada “yashil” iqtisodiyot
tushunchasini
yoritib berishga harakat qilinadi va uni shakllantirish uchun talab etiladigan barcha shart-sharoitlar
to‘g‘risida so‘z yuritiladi.