Interaktiv o‘qitish orqali moliyaviy bilimlarni o‘zlashtirish: tajriba va natijalar

Abstract

Moliya savodxonligi har bir fuqaroning iqtisodiy hayotida muhim ahamiyatga ega bo‘lib, bu bilimlar nafaqat
shaxsiy byudjetni boshqarish, balki umumiy moliyaviy barqarorlikni ta’minlashda ham asosiy vositadir. So‘nggi yillarda
ta’lim tizimida interaktiv usullar orqali moliyaviy bilimlarni o‘qitish amaliyoti kengayib bormoqda. Mazkur maqolada
interaktiv o‘qitish uslublari orqali talabalarda moliyaviy bilim va ko‘nikmalarni shakllantirish bo‘yicha olib borilgan tajriba
va uning natijalari tahlil etiladi.
Interaktiv o‘qitish – bu o‘quvchilarning dars jarayonida faol ishtirokini ta’minlaydigan usullar majmuasidir. Ushbu metodlar
– muammoli vaziyatlar asosida o‘rgatish, rol o‘yinlari, guruhiy muhokamalar, simulyatsion mashg‘ulotlar va raqamli
platformalar orqali ta’lim berishni o‘z ichiga oladi. Tadqiqot doirasida iqtisodiyot sohasida ta’lim oladigan talabalar
ishtirokida interaktiv darslar orqali ularning moliyaviy bilim darajasidagi o‘zgarishlar maxsus testlar va so‘rovnomalar
asosida aniqlandi